You, Planner u

ყველაფერს გეგმავო - მომწერა დღეს ლეკამ. რა ვქნა. მიყვარს როცა ვიცი ხვალ საღამოს, ან თუნდაც ორი კვირის მერე რას გავაკეთებ.

დღეს ერთმა შვედმა ჩაგვიტარა ლექცია მართლმსაჯულების სისტემაში მოხვედრილ არასრულწლოვნებზე. ლექცია კარგი იყო, მაგრამ განსაკუთრებით ბოლო მომეწონა - პარასკევი საღამოა, ადრე გაგიშვებთ შაბათ-კვირა მოდის და ალბათ სადმე გასვლა და დალევა გინდათო.სამწუხაროდ ეს ჩემ გეგმებში არ შედიოდა.რაიმე მიზეზის გამო კი არა, ან ალბათ ზუსტად იმიტომაც რომ არანაირი მიზეზი არ გვქონდა.
ეს ქალი შვედია, და მიუხედავად იმისა, რომ იცის, რომ საქართველოში არასრულწლოვნებს სისტემაში ბევრი პრობლემა ექმენბათ, ალბათ ისიც არ იცის, რომ თბილისში ძალიან ცოტაა ისეთი ადამიანი, რომელიც ფიქრობს, პარასკევი საღამოა ჯობია გავერთოთ, ვიდრე სახლში ტელევიზორს ვუყუროთო. ის ისე. გული დამწყდა და იმიტომ.

ვერ ვარ ამ ბოლო დროს სუპერ ხასიათზე. ისე ვარ რა.. ჩვეულებრივად, ყოველდღიურად. მაგრამ გეგმები მაქვს, სამაგიეროდ. შემდეგ კვირას მინდა რაღაცეები შევცვალო.

მაგალითად გარდერობში. გქონიათ ალბათ ისეთი შემთხვევა, ტანსაცმელს რომ გადახედავ და არაფერი არ მოგწონს, არაფრის ჩაცმის სურვილი არ გიჩნდება. ჰოდა ახლა ვარ მასე. რაღაც აჯაჯულ-დაჯაჯულია ყველაფერი და ცოტა უფრო ქალური მინდა გავხადო ჩემი გარდერობი. კაბა უნდა ვიყიდო, კიდევ ფეხსაცმელი და ცოტა თბილი მოსაცმელი. ისევ თბილისის მაღაზიები მახსენდება და ცოტა ხასიათიც მიფუჭდება, მაგრამ იმედია რამეს ვიპოვნი.

წიგნები მინდა კიდევ. ბერგმანის და პავიჩის. შეიძლება კიდე რამოდენიმეს დამატება, მაგალითად ბურჭულაძის "მინერალური ჯაზის" და ჩაკ პალანიკის რომელიმე სასაცილო რომანის. ან სულაც ვონეგუტის. მოკლედ, მთავარია ეხლა წიგნის მაღაზიამდე მივაღწიო.

რა სისულელეა, რომ მგონია ახლა, ამეებს გავაკეთებ და მერე ასე ჩველებრივად აღარ ვიქნები თქო. კიდევ მაქვს რაღაც გეგმები, ოღონდ ისეთი, არა დასაბლოგი. რომ გავაკეთებ მერე დავწერ.

კიდევ უფრო მინდა სადმე წასვლა და იქ სწავლა,ბოლო ბოლო, პარასკევს საღამოს მაინც გავალ ხოლმე, სადმე დავჯდები და რამე ალკოჰოლურს დავლევ. For heaven's sake, and then fall in love. მერე, მინც არაფერი რომ არ შეიცვლება, ნაჩნიკს ავანთებ და ვიიანს წავიკითხავ ამ მუსიკის ფონზე. სანამ დუდი აბაზანიდან გამოვა :)