Tipsy Romantic Nights

ლოპოტა.

მანქანაში როცა ვსხედვართ, ტომის "Real Gone" ახალი ჩართულია - ესეიგი ქალაქიდან ახლა გავედით და მე აუცილებლად კარგ ხასიათზე ვარ. ლოპოტაში წასვლა დიდი ხანია მინდოდა, მაგრამ ვერაფრით ვერ მოვაბი თავი და მარიამობას ძლივს გადავწყვიტეთ წასვლა. ძირითადად ძალიან ოცნების დონეზე მქონდა დაგეგმილი წინა შაბათ კვირა, მაგრამ ნუ ყველაფერი ზუსტად ისე გამოვიდა როგორც მე მინდოდა :)

ლოპოტას ხეობა თელავათან ახლოს, მთებშია. ტბის ნაპირზე აშენებული პაატარა სასტუმროთი და სხვა კომფორტისთვის აუცილებელი რამერუმეებით. აი, ძალიან ისეამოწყობილი.... მმ. "ყველაფერი თქვენი კომფორტისა და დასვენებისთვის" - ჰოდა კაია. ჩადიხარ და ეგრევე ხვდები, რომ აქ შენ დასვენებაზე და სიმშვიდეზე იზრუნებენ. (არცერთი მჩხავანა ბავშვი).



ლოპოტაში საღამომდე დავრჩით, წითელ ღვინოს ვწრუპავდით, ვისმენდით სასაცილო (იშვიათიად) ამბებს სომხების, ებრაელების და ქართველების ხასიათებზე, დუდი ოცნებობდა, როდის ექნებოდა თვითონაც ასეთი "ლოპოტა" , სადაც ბედნიერად ვიცხოვრებდით და საერთოდ არ ლაპარაკობდა. მცირედი დაძაბულობის გარდა ყველაფერი იდეალურად იყო. ზამთარში კიდევ ვაპირებ წასვლას. სავარაუდოდ ჩემს დაბადების დღეზე, რომ ცხოვრებაში ერთხელ მაინც მქონდეს ისეთი დაბადებისდღე, როგორიც წარმომიდგენია რომ უნდა იყოს და არა ის გაუგებრობები, რაც ძირითადად 13 იანვარს ხდება ხოლმე ჩემს თავს.



დუდის გული წყდებოდა, რომ ვაკის პარკში მოწყობილ კინოჩვენებაზე ფილმ ნუარს ვერ ნახავდა.


თელავი, გიჟი მარინა და განწყობის თეორია

თელავში სახლი, რომელშიც ჩავდივართ ხოლმე, ადრე თურმე ერთ მდიდარ სომეხს ეკუთვნოდა. სახლი თელავის ცენტრშია წამოსკუპებული და ამიტომ არა-მყუდროა - გამვლელ გამომვლელის ყურადღების ცენტრში რაც არ უნდა ქნა მაინც მოექცევი.

ეს სახლი ძველმა პატრონმა სავარაუდოდ იმიტომ გაყიდა, რომ მასთან ცუდი მოგონებები აკავშირებდა, მაგრამ ყველაზე მაგარი ამბავი არის ის, რომ სახლის რემონტისას, იპოვნეს ფოტოსურათები, რომლებზეც ამ სახლის პატრონის ქალიშვილი იყო გამოსახული შიშველი. ფოტოები პროფესიონალურად იყო გადაღებული ამავე სახლში.
ფოტოები ტიხარში იყო ჩატანებული და გადაღებული იყო დაახლოებით 50 იან წლებში.



თვითონ ეს სახლიც ისეთია - უცნაური და აი, რომ ჩადიხარ, გეგონება თვითონ არისო თავისი თავის პატრონი და თვითონ გმასპინძლობს - ხო ხვდებით, შეგიშვებს და დაგაძინებს და რაღაც. მაგრამ ძაან უჟმური სახლია. ანუ დიდად სტუმართმოყვარეც არა, მგონი ისევ ის თვისი შიშველი გადარეული გოგო ენატრება, ფოტოებს რომ იღებდა მაგის ყვავილებიანი შპალერის ფონზე. სამაგიეროდ ძააალიან რომანტიკული სახლია, რბილი და მონჯღეული ჭრაჭუნა საწოლებით და ამბებით :)

მოკლედ, შემდეგ ჩასვლაზე, nude ფოტოსესია უნდა მოვიწყო, იქნებ შემირიგდეს ეგ სახლი. მშვიდი და დაწყნარებული ამბები აშკარად არარის მაგის სტილში:)




კვირას საღამოს წამოვედით. სუმერკი იყო და ნელ ნელა ღამდებოდა, დუდი ჩუმად ატარებდა მანქანას და ხმას არ იღებდა. ტომი მღეროდა Dead and Lovely -ს. მე მანქანის გადაწეულ სავარზელზე მეძინა და მთვრალი ვიყავი.